Cikloni i cili të premtën solli erëra të fuqishme dhe reshje kalimtare shiu është larguar në drejtim të Evropes qendroe, ndërsa tani kemi ciklonin tjetër të fuqishëm që vjen nga Deti Adriatik dhe Jon direkt në drejtim të territoreve tona.
Ky ciklon do të zhvendoset gradualisht drejtë Detit të Zi në Evropen lindore duke na sjellur reshje të herëpashershme shiu, ndërsa vende-vende priten reshje të dendura si dhe pasditeve dhe mbrëmjeve do të ketë gjata për zhvillime të fuqishme konvektive që do të kushtëzojnë stuhi ose shtrëngata lokale me vetëtima, bubullimë dhe mundësi për breshër.
Reshje lokale do të fillojnë sot (e diele), por në shumë lokacione sot priten reshje të pakta shiu. Reshje më intensive sot vonë priten në veri dhe veriperëndim të Kosovës, por lokalisht edhe në shumë rajone të Shqipërisë, Maqedonisë së Veriut, Kosovës lindore dhe Malit të Zi.
Reshje më intensive priten gjatë natës dhe posaqërisht të hënën ku herë pas here priten rrebeshe shiu që orëve të pasdites mund të shoqërohen me vetëtima, bubullimë dhe mundësi për breshër.
Me largimin e ciklonit në drejtim të Detit të Zi nuk do të kemi stabilizim të motit, ngase ciklone tjera do të zhvillohen në zona të ndryshme në atmosferë mbi rajonin tonë. Për këtë arsye disa ditë do të kemi mot mjaft të paqëndrueshëm dhe me reshje të shpeshta lokale. Nganjëherë do të ketë edhe intervale kohore me diell, ndërsa gjithnjë do të ketë gjasa për zhvillime të fuqishme lokale të vranësirave të shiut që do të kushtëzojnë reshje shiu, rrebeshe lokalisht të fuqishme me vetëtima dhe bubullimë si dhe nuk përjashtohet mundësia që lokalisht të ketë edhe shrëngata të fuqishme lokale me vetëtima e bubullima masive dhe breshër. Disa rajone ku do të ketë rrebeshe intensive do të rrezikohen nga vërshimet e shpejta.
Pra, para nesh një periudhë me mot mjaft të paqëndrueshëm dhe të ndryshueshëm./METEOBALLKAN
