Nesër në Kosovë do të mbajë mot kryesisht me diell por relativisht i ftohtë. Mëngjesi dhe mbrëmja do të jenë mjaft të ftohta dhe me ngrica. Mund të ketë edhe vranësira kalimtare.
Në Shqipëri nesër gjithashtu do të mbajë mot kryesisht i kthjellët por i ftohtë. Mot i ngjashëm do të mbajë edhe në Maqedoni dhe Mal të Zi. Në viset malore të rajonit do të ketë ngrica të fuqishme ku temperaturat mund të ulën deri në minus 12 gradë celsius. Në Mal të Zi deri në minus 14 gradë celsius.
Të Enjten në Mesdhe do të kemi krijimin e një cikloni të fuqishëm i cili do të lëvizë në drejtim të rajonit tonë gradualisht. Pasi që kemi konstradikta në mes të modeleve se si do të shkojë ecuria e këtij cikloni detaje të tjera rreth motit nga e Enjta dhe e Premta do të kemi më vonë kur ti analizojmë të gjitha modelet globale numerike për parashikim të motit.
Reshje atmosferike do të kemi gjithsesi dhe ato do të fillojnë në formë bore por sa do të zgjasin dhe a do të shëndrrohen pastaj në reshje shiu do tju tregojmë në postimin tonë të radhës sapo ti kemi gati të dhënat nga të gjitha modelet.
FOTO : Meteociel
