Nesër në Kosovë pritet të mbajë mot me vranësira të shpeshta dhe intervale të shkurtra kohore me diell. Herë pas here priten reshje lokale shiu, ndërsa temperaturat do të shënojnë rritje për shkak të depërtimit të rrymimeve pak më të ngrohta ajrore nga Mesdheu. Temperatura maksimale pritet të arrijë deri në 21 gradë Celsius.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me vranësira të shpeshta dhe lokalisht me intervale kohore me diell. Në mëngjes dhe paradite do të ketë reshje lokale shiu, ndërsa pasdite rritje e temperaturave dhe intervale kohore me diell.
E Marta sjellë mot mjaft të paqëndrueshëm, me vranësira, intervale kohore me diell dhe rrebeshe lokale shiu me vetëtima dhe bubullimë. Një sistem nga Shqipëria veriore dhe Mali i Zi priten të depërtojë edhe në Kosovë orëve të pasdites duke kushtëzuar lokalisht rrebeshe intensive shiu me vetëtima, bubullimë dhe mundësi për breshër.
E Mërkura sjellë intervale kohore me diell dhe lokalisht nganjëherë rrebeshe shiu me vetëtima dhe bubullimë./METEOBALLKAN
