Edhe një javë me mot mjaft të ndryshueshëm, por pak më e ngrohtë, ndërsa nuk do të mungojnë as intervalet kohore me diell dhe rrebeshet e pasditeve me vetëtima dhe bubullimë.
Vranësirat do të jenë të shpeshta, ndërsa temperaturat maksimale rreth 20 gradë Celsius në viset kontinentale. Megjithatë do të ketë ditë që temperaturat do të kalojnë mbi 20 gradë Celsius dhe ajo pritet të jetë e premta e sidomos e Shtuna.
Në zonat mesdhetare temperaturat do të shkojnë deri në 25 gradë Celsius, ndërsa afër fundjavës deri afër 30 gradë Celsius.
Sot dhe nesër pasditeve do të ketë gjasa për rrebeshe lokale me vetëtima dhe bubullimë, sidomos të martën pasdite vende-vende priten rrebeshe intensive me bubullimë.
E Mërkura sjellë më shumë intervale kohore me diell, por pasdite rrebeshe lokale me vetëtima dhe bubullimë.
Të ejten parashihet të ketë ulje të sërishme të temperaturave dhe rrebeshe lokale shiu me vetëtima dhe bubullimë.
Të premtën përmirësim i motit, më shumë intervale kohore me diell dhe rritje e menjëhershme e temperaturave.
Sipas ecurive aktuale sinoptike të shtunën parashihet të kemi mot mjaft të ngrohtë, me temperatura dukshëm mbi 20 gradë Celsius, ndërsa në Shqipëri shumë afër 30 gradë Celsius. Do të ketë gjasa për ndonjë rigë ose rrebesh të izoluar. Edhe e diela do të jetë e ngrohtë, por lokalisht priten ulje të temperaturave për shkak të vranësirave dhe reshjeve e rrebesheve lokale të shiut me bubullima./METEOBALLKAN
