Nesër në Kosovë pritet të kemi mot me vranësira të shpeshta, por nganjëherë edhe intervale kohore me diell. Paradite mund të ketë riga dhe rrebeshe të lokalizuara shiu, ndërsa pasdite priten zhvillime të fuqishme të vranësirave konvektive që pritet të kushtëzojnë rrebeshe lokalisht të fuqishme shiu me vetëtima dhe bubullimë. Rrebeshe intensive priten në disa vise të Dukagjinit, lokalisht edhe në disa vise tjera, por reshje do të jenë kalimtare.
Në Shqipëri nesër pritet të mbajë mot mjaft i paqëndrueshëm, me vranësira dhe zhvillime të rrebesheve të fuqishme të shiut me vetëtima dhe bubullimë. Rrebeshe mjaft intensive orëve të pasdites priten sidomos në gjysmën veriore të Shqipërisë, ndërsa në gjysmën jugore priten reshje më të pakta.
Rrebeshe lokale nesër priten edhe në Maqedoninë Veriore, Mal të Zi dhe Kosovën lindore.
Të mërkurën na pret mot me intervale kohore me diell dhe me zhvillime të rrebesheve me bubullima orëve të pasdites.
Të enjtën do të kemi një front të ftohtë nga veriu dhe për këtë arsye pritet të ketë ulje të temperaturave dhe vranësira e rrebeshe kalimtare shiu, vende-vende intensive dhe me bubullima.
Përmirësim të motit parashihet të kemi të premtën./METEOBALLKAN
