Gjatë ditëve të ardhshme po pritet të kemi intensifikim të reshjeve të shiut si pasojë e masave të fuqishme ajrore ciklonike mbi atmosferën përreth nesh dhe po ashtu do të kemi një front të ri të ftohtë ajror që do të shkaktojë reshje të reja shiu, rrebeshe lokale me vetëtima dhe bubullimë dhe ulje të temperaturave.
Fronti i ftohtë do të vijë në atmosferën edhe ashtu të destabilizuar duke shkaktuar përkeqësim të mëtutjeshëm të motit. Priten vranësira të dendura e reshje shiu, vende-vende intensive. Po ashtu do të ketë edhe rrebeshe lokalisht të fuqishme me vetëtima dhe bubullimë.
Të martën dhe të mërkurën edhe pse parashihet të ketë dobësim të reshjeve ato prapëseprapë nuk do të mungojnë, por do të jenë më të rralla dhe më të lokalizuara.
Nga e enjta përsëri do të ketë intensifikim të reshjeve dhe rrebeshe të shiut dhe në fund të javës mund të kemi zhvendosjen edhe të një cikloni të fuqishëm nga Mesdheu që do të kushtëzojë reshje të reja të dendura shiu dhe lokalisht rrebeshe intensive me vetëtima dhe bubullimë.
Pra, vazhdon moti jashtëzakonisht i paqëndrueshëm. Një sinjal të dobët për përmirësim dhe stabilizim të motit e kemi diku reth dates 20 Qershor, por ky sinjal ose mund të fuqizohet në përditësimet e ardhshme ose mund të zhduket fare. Mbetet të shihet evoluimi i gjendjes sinoptike pas këtyre reshjeve të dendura të mesit të Qershorit./METEOBALLKAN
