Vranësirat nga një front ajror i cili vjen nga veriperëndimi i Evropës do të ndikojnë shumë pozitivisht sonte gjatë natës duke rritur temperaturat, duke larguar ajrin e ftohtë pak më në lindje dhe duke shpëtuar nga përsëritja e ngricave të natës apo mëngjesit të kaluar.
Vranësirat do të kushtëzojnë edhe reshje lokale shiu gjatë natës dhe orëve të hershme të mëngjesit dhe njëkohësisht në viset kodrinore-malore do të ketë reshje shqote e bore nga mbetjet e temperaturave të ulëta.
Sipas parashikimeve reshjet nuk pritet të zgjasin shumë dhe do të pushojnë menjëherë gjatë mëngjesit apo paradites së ditës së shtunë dhe gjatë ditës do të ketë alternime mes vranësirave e intervaleve kohore me diell duke mos përjashtuar ndonjë reshje të dobët të izoluar. Temperaturat do të shënojnë rritje ngase do të kemi rrymime më të ngrohta nga Evropa dhe Mesdheu.
Nga ky front ajror reshje nuk do të ketë në pjesën më të madhe të Shqipërisë dhe Malit të Zi ngase vranësirat e shiut do të jenë prezente vetëm në shumë pjesë të Kosovës dhe pjesë të Maqedonisë së Veriut.
Dita e shtunë sjellë mot pak më stabil, ndërsa të dielën pritet që temperaturat maksimale në Kosovë të arrijnë deri në 20 gradë Celsius dhe priten më shumë intervale kohore me diell, megjithatë vranësira të herëpashershme do të prezente po ashtu.
Dita e diel do të jetë stabile edhe në Shqipëri me temperatura maksimale mbi 20 gradë Celsius.
Fillimi i javës së re pritet të karakterizohet me mot relativisht të ngrohtë, me intervale me diell dhe vranësira lokale, ndërsa një ciklon zhvillohet në Mesdhe përtej Italisë duke mundësuar që gjatë javës së re të kemi reshje të herëpashershme, lokale shiu në pjesë të Shqipërisë dhe në Kosovë. Reshjet mund të jenë në formë të rrebesheve lokale.
Kjo është gjendja momentale sinoptike dhe për informata shtesë na përcillni në postimet tona të përditshme./MeteoBallkan
