Rojet bregdetare amerikane konfirmuan në një konferencë për shtyp se të gjithë pasagjerët në nëndetëse kishin vdekur. U gjetën pesë pjesë të nëndetëses.
Disa prej tyre i përkisnin kapsulës që ruante presionin brenda nëndetëses.
“Një mjet nënujor me telekomandë zbuloi bishtin e nëndetëses Titan. Anija më pas zbuloi rrënoja shtesë nga nëndetësja. Mbetjet janë pjesë e dhomës së presionit. Ne njoftuam menjëherë familjet e ekuipazhit. Ngushëllimet e mia për të gjitha familjet. Mund ta imagjinoj vetëm se si ndihen dhe shpresoj që ky zbulim të sjellë pak lehtësi”, tha kundëradmirali John Mauger, komandant i Rojës Bregdetare të SHBA. Tani për tani, gjithçka tregon për një shpërthim që ndodhi gjatë zbritjes drejt Titanikut të fundosur.
Por në rrjete sociale janë bërë virale pamjet ilustruese të nëndetëses e cila mendoihet se shpërtheu rreth 500 m në afërsi të Titanikut.
