Sot atmosfera pritet të jetë jashtëzakonisht jo-stabile, veçanërisht në orët e pasdites ku priten zhvillime të fuqishme të vranësirave konvektive që do të kushtëzojnë rrebeshe lokale shiu me vetëtimam bubullimë dhe mundësi për breshër.
Stuhitë, shtrëngatat apo rrebeshet më të fuqishme sot priten në Republikën e Kosovës dhe në Maqedoninë e Veriut, por duke mos anashkaluar Luginën e Preshevës, Malin e Zi dhe Shqipërinë kontinentale. Në bregdet më qetë.
Atmosfera shumë jo-stabile vende-vende mund të “prodhoi” procese të bujshme atmosferike siç janë erërat shumë të fuqishme kalimtare, shiu i rrëmbyeshëm për një kohë të shkurtër që do të shkaktoi përmbytje të shpejta, shkarkesa të mëdha elektrike apo vetëtima dhe bubullima masive dhe breshëri, madje nuk përjashtohet mundësia që të ketë edhe struktura tornadike ose vranësira që iu paraprijnë tornadove por që nuk zhvillohen në tornado fatmirësisht ngase në trojet tona nuk lejojnë kushtet gjeografike dhe meteorologjike.
Stuhitë do të jenë të karakterit lokal dhe nuk kapin krejt territorin, por rekomandohet kujdes i jashtëzakonshëm gjatë kohës së stuhisë intensive sidomos në komunikacion dhe ambiente të hapura.
Në mbrëmje parashihet stabilizim i atmosferës, ndërsa rrebeshe lokale parashihen edhe të enjten dhe të premten të intensitetit më të dobët.
Nga e shtuna vjen anticikloni që dikush e pret një kohë të gjatë. Pritet përmirësim i motit dhe stabilizim për disa ditë dhe mund të ndodhë edhe javë./METEOBALLKAN
