Sot pasdite do të ketë sërish destabilizim të fuqishëm të motit në shumë pjesë të Ballkanit verior dhe veriperëndimor.
Trajektorja e stuhive të fuqishme do të jetë pothuajse e ngjashme me ditën e dejshme. Stuhitë superqelizore do të fillojnë në territorin e Italisë veiore dhe Austrisë për tu rigjeneruar pastaj në Slloveni, pjesë të Kroacisë, Bosnjës, Serbisë dhe në fund në Bullgari duke anashkaluar përsëri, Kosovën, Shqipërinë dhe Maqedoninë Veriore.
Priten stuhi intensive lokale, kalimthi mjaft të fuqishme, me erëra të fuqishme, shkarkesa të forta atmosferike dhe breshër.
Stuhitë do të jenë të karakterit lokal dhe të fuqishme, por paksa më të dobëta krahasuar me ditën e kaluar, megjithatë shumë paralajmërime të reja janë dhënë nga meteorologët dhe institucionet në rajon.
Në territoret tona vazhdon mot stabil dhe shumë i nxehtë, nën ndikimin e mases ajrore me origjinë nga Afrika veriore. Ka disa gjasa për ndonjë zhvillim të izoluar në zonat malore, por rrebeshe lokale dhe freskim i shkurtër i motit pritet të dielën në Kosovë./METEOBALLKAN
