Temperatura verore po vazhdojnë në territoret tona, ndërkohë që frontet e freskëta të Atlantikut tentojnë të depërtojnë në Ballkanin verior. Sot kemi zhvillime ose kalime të disa vranësirave në disa vise të Kosovës dhe Malit të Zi me ndonjë rigë shiu vetëm në ndonjë rajon të caktuar, por vazhdon dominimi i plotë anticiklonik dhe temperaturat e larta.
Kreshta termike nga Mesdheu përforcohet nesër dhe pasnesër në Kosovë, Shqipëri dhe Maqedoninë Veriore duke rritur edhe më shumë temperaturat, ndërkohë frontet e Atlantikut po ashtu afrohen nga veriperëndimi dhe perëndimi duke depërtuar përsëri në Slloveni dhe Kroaci dhe duke shkaktuar reshje mjaft të dendura shiu atje.
Kësaj radhe sistemet frontale nuk do të “dorëzohen” duke depërtuar thellë në jug gjatë fundjavës dhe duke na sjellur reshje dhe stuhi shiu edhe në Kosovë, Shqipëri dhe Maqedoninë Veriore, por deri atëherë kemi edhe dy ditë shumë të nxehta dhe stabile./METEOBALLKAN
