Pas reshjeve intensive që përfshinë disa pjesë të Republikës së Kosovës dhe po vazhdojnë në disa pjesë të Shqipërisë dhe Maqedonisë së Veriut tani radhën e ka fronti i ftohtë në Kosovë. Në veri të vendit shumë shpejtë mund të fillojnë erërat veriore, ndërsa në jug në rajonin e Prizrenit ende janë prezente erërat jugperëndimore, megjithatë gjatë orëve të ardhshme erërat veriore nga veriu i Kosovës do të përfshijnë tërë territorin e Republikës së Kosovës.
Lokalisht priten erëra të forta sidomos në fillim të depërtimit të frontit të ftohtë. Më së shumti erëra priten në veri, verilindje, lindje dhe disa vise në pjesët qendrore të Kosovës si dhe normalisht në viset kodrinore-malore të vendit. Në disa nga ultësirat e Dukagjinit ka gjasa që erërat të jetë krejtësisht të lehta.
Me erërat veriore do të fillon ulja e temperaturave dhe nganjëherë lokalisht priten reshje të reja shiu e në viset kodrinore-malore nganjëherë mund të ketë reshje bore.
Nesër do të vazhdon ulja e temperaturave dhe reshjet e pakta sporadike të borës sidomos në disa vise kodrinore-malore, ndërsa në viset ulëta rrallë në ndonjë rajon në Kosovë mund të ketë ndonjë fjollë bore, përderisa në Dukagjin do të ketë intervale të gjata kohore me diell. Në Shqipëri nesër mot kryesisht me diell, por mjaft i freskët e në viset malore edhe i ftohtë.
Nga e diela përmirësim i motit në tërë viset tona, ndërsa reshje të reja nuk pritet të ketë deri të martën./MeteoBallkan
