Gjatë kësaj jave na pret mot shumë i ndryshueshëm, me intervale kohore me diell, vranësira të shpeshta, shpeshherë të dendura që sjellin reshje atmosferike. Pas ciklonit bombë që solli reshje të dendura bore, rrymime të ftohta ajrore nga veriu dhe ulje të ndjeshme të temperaturave, tani rrymimet ajrore ndryshojnë drejtim dhe në territoret tona fillojnë rrymime të fuqishme ajrore nga jugu.
Si pasojë do të ketë zbutje të acarit polat dhe së bashku me ciklonin e ri që vjen nga veriperëndimi i Evropes vijnë edhe reshje shiu. Fillimisht priten reshje të përziera të cilat gjatë së martës do të shndërrohen në reshje shiu. Vende-vende të martën parashihen reshje mjaft intensive shiu dhe rrebeshe me vetëtima dhe bubullimë sidomos në Shqipëri ku nuk përjashtohet mundësia që të ketë vërshime të shpejta. Edhe në Dukagjin mund të ketë reshje intensive dhe vërshime të shpejta. Reshje bore vetëm në viset e larta malore.
Të mërkurën cikloni i fuqishëm largohet në lindje dhe si pasojë kemi një rikthim të shkurtër të masave të ftohta kryesisht në Kosovë ku vetëm lokalisht priten reshje bore.
Rritje e ndjeshme e temperaturave.
Nga e enjta do të kemi fillimin e rrymimeve të fuqishme ajrore nga jugu dhe për këtë arsye temperaturat do të rriten ndjeshëm. Bora do të shkrihet dhe priten reshje sporadike shiu.Të premten mund të kemi temperatura maksimale deri në 16, 17 apo 18 gradë Celsius në Kosovë e 20 në Shqipëri. Të shtunën reshje intensive dhe rrebeshe shiu, ndërsa të dielën ulje e temperaturave dhe reshje lokale bore.
Pra, na pret një javë me mot të “laramishëm” që nga reshjet e shiut, intervalet kohore me diell, fjollat e borës, erëra (të ngrohta) nga jugu dhe perëndimi. Rritje rapide e temperaturave krejt në fillim të Dhjetorit, ndërsa masat e ftohta polare përpos të mërkurës, tentojnë të rikthehen krejt në fund të javës apo ditën e diele.
Reshje të dendura shiu të martën dhe të shtunën. Reshje kryesisht të pakta shiu e bore të mërkurën dhe të dielen. Reshje krejtësisht të pakta dhe rritje e ndjeshme e temperaturave të enjten dhe të premten./MeteoBallkan
