Rryma shumë e fuqishme ajrore e Atlantikut po krijon ciklone jashtëzakonisht të fuqishme në Evropen veriperëndimore dhe veriore si dhe në pjesë të Evropes perëndimore e qendrore.
Stuhi shiu priten ditëve të ardhshme që nga veriu dhe veriperëndimi i Spanjës e Portugalisë, jugu i Britanisë së Madhe, pastaj veriu i Frances e Gjermanisë e deri në Poloni, ndërsa stuhi bore priten në Veri të Britanisë së Madhe sidomos në Skoci dhe Irlanden Veriore tutje në Skandinavi dhe Rusi.
Erëra mjaft të fuqishme përsëri priten në Gjermani dhe shtetet e Beneluksit, Baltikut dhe Skandinavisë. Erëlrat mët forta priten në Britaninë e Madhe.
Ata që dëshirojnë fundvit me bardhësi të pafundme mund ta gjejnë atë vetëm në shumë pjesë të Irlandes veriore e më së shumti në Skoci, Norvegji e pjesë të Suedisë e vendeve tjera Skandinave dhe Rusi. Në viset tjera bardhësi këtë fundvit mund të kenë vetëm në zonat kodrinore-malore.
Përndyshe, rajoni ynë edhe këtë fundvit me mot pranveror. Temperaturat do të jenë sikur në pranverën e hershme, ndërsa as reshje atmosferike nuk presim, ngase ka një ndryshim në parashikim. Dukej sikur do të kemi reshje kalimtare shiu e bore, por në përditësimet më të fundit modelet kanë konfirmuar vazhdimin e motit të ngrohtë edhe për festat e Vitit të Ri për rajonin tonë. Reshjet atmosferike do të jenë të rralla dhe sporadike.
Përkeqësim të motit mund të kemi gjatë dhjetëditëshit të parë të Janarit./MeteoBallkan
