Nën ndikimin dhe “pushtetin” gati absolut anticiklonik po vazhdon moti kryesisht stabil dhe pa reshje atmosferike në territoret tona. Pas reshjeve të borës dhe temperaturave polare sot patëm sadopak zbutje të acarit polar, por mbetet ende ftohtë.
Një front krejtësisht i dobët kaloi dje dhe ndikojë vetëm në disa zona të caktuara duke shtuar vranësirat, rritur pak temperaturat dhe aty-këto ndonjë reshje të dobët atmosferike.
Një front tjetër kalimtar do ta kemi nesër (e Enjte) dhe përkohësisht do të ketë fuqizim në perimetrin e erërave dhe shtim të vranësirave. Reshjet atmosferike do të jenë të pakta dhe të karakterit lokal. Reshjet do të jenë të përziera në formë shiu, shqote e bore varësisht nga rajoni në rajon.
Pas stabilizimit të atmosferës të premtën, një tjetër front i ftohtë atmosferike arrin për fundjavë, por edhe ky front nuk do të jetë i pasur me lagështi dhe nuk do të ndikojë në ndonjë përkeqësim dramatik të motit. Pritet të ketë shtim kalimtar të vranësirave, fuqizim të përkohshëm të erërave dhe aty-këtu ndonjë reshje të përzier atmosferike.
Këto fronte të ftohta, të dobëta ajrore po ndihmojnë ajrin e ftohtë të “mbesë i ngujuar” në territoret tona më gjatë dhe përkundër anticiklonit të ngrohtë mesdhetar vazhdon acari edhe pse më i zbutur në viset tona.
Pra, ditëve të ardhme pa ndonjë ndryshim të madh të motit sidomos në Shqipëri ndikimi i fronteve do të jetë shumë më i dobët, ndërsa në disa zona të Kosovës, veriut të Malit të Zi dhe Maqedonisë së Veriut do të vërehen ndryshime të vogla, të herëpashershme të kushteve atmosferike.
Detaje tjera në postimet tona të ardhshme./MeteoBallkan
