Një front i fuqishëm i ftohtë me origjinë polare ka përfshirë Evropën Qendrore gjatë orëve të fundit, duke i dhënë fund valës së nxehtësisë dhe duke sjellë një ndryshim të menjëhershëm të kushteve atmosferike.
Sipas parashikimeve të meteorologëve, ky bllok ajror i ftohtë ka zbritur me shpejtësi drejt Gjermanisë, Zvicrës, Austrisë dhe Çekisë, duke shkaktuar një rënie të temperaturave deri në 10 deri 15 gradë Celsius brenda pak orësh.
Ndryshimi i dukshëm i kushteve klimatike ka sjellë edhe reshjet e para të borës në zonat e larta malore të Alpeve, ndërsa në zonat e ulëta po shoqërohet me erëra të forte dhe reshje shiu.
Kjo masë e ftohtë vjeshtore po zhvendoset me shpejtësi drejt juglindjes së kontinentit, ku gjatë ditëve të ardhshme pritet të sjellë ulje të dukshme të temperaturave dhe erëra të freskëta në të gjithë rajonin.
