Të paktën tre persona kanë humbur jetën nga një tornado në shtetin amerikan të Indianës ditën e djeshme, njoftoi Reuters.
Agjencia saktëson se stuhi të ashpra kanë shpërthyer kudo në rajon, duke goditur edhe territore të shtetit fqinj të Ohajos.
Tri vdekjet ishin në një park karvanesh në qytetin Winchester, Indiana, rreth 113 kilometra nga kryeqyteti i shtetit, Indianapolis, raportoi NBC News, duke cituar të dhënat e policisë.
Shërbimi Kombëtar i Motit i SHBA tha se nuk mund ta klasifikonte ende stuhinë në Winchester si një tornado, por “ka shumë të ngjarë” bazuar në dëmet dhe pamjet e para në mediat sociale.
Stuhi në Ohio kanë ardhur edhe nga shteti i Teksasit. Në Indiana, disa qytete më të vogla rreth Winchester u prekën gjithashtu, sipas Reuters.
