Sot në Kosovë pritet të kemi mot kryesisht me diell dhe të ngrohtë, por edhe me vranësira lokale. Këto vranësira pasdite vonë do të marrin karakter zhvillimi duke kushtëzuar rrebeshe të lokale shiu në disa rajone të izoluara, kryesisht në disa vise kodrinore-malore në veriperëndim, veri dhe eventualisht në juglindje të vendit. Temperatura maksimale rreeth 26 gradë Celsius.
Në Shqipëri, Maqedoninë e Veriut, Kosovën lindore dhe Mal të Zi pritet të mbajë mot kryesisht me diell dhe mjaft i ngrohtë. Pasdite priten zhvillime të izoluara të vranësirave të shiut, kryesisht në veri dhe veriperëndim të Maqedonisë së Veriut dhe aty-këtu në Luginë të Preshevës. Rrebeshet e izoluara pritet të ndodhin kryesisht në viset kodrinore-malore të rajoneve të përmendura.
Të mërkurën ende ngrohtë dhe me diell, por edhe me përhapje të instabiliteteve atmosferike. Pas një paraditeje të nxehtë, pasdite në shumë rajone priten zhvillime të fuqishme konvektive, me rrebeshe lokale shiu me vetëtima dhe bubullimë, rrebeshe që intensifikohen në orët e mbrëmjes dhe nates. Vende-vende priten rrebeshe mjaft intensive për një kohë të shkurtër kohore.
Të Enjten më freskët dhe me rrebeshe shiu herë pas here./MeteoBallkan
