Përderisa pjesa veriore dhe lindore e Evropës po përjetojnë temperatura jashtëzakonisht të ulëta në Evropën qendrore, perëndimore dhe jugperëndimore është ende relativisht nxehtë. Evropa Perëndimore ditëve të ardhshme do të jetë nën “sundimin” e një anticikloni jashtëzakonisht të fuqishëm. Në anën tjetër nga Rusia në drejtim të rajonit tonë do të fillojnë të depërtojnë masa të ftohta dhe jostabile ajrore. Vendi ynë do të jetë një “arenë lufte” mes presionit të ulët atmosferik nga lindja dhe veriu dhe presionit të lartë atmosferik nga perëndimi.
Gjatë ditëve të ardhshme masa të fuqishme të ftohta ajrore do të depërtojnë në drejtim të Evropës qendrore, Gadishullit Ballkanik e posaqërisht në drejtim të Turqisë dhe Greqisë. Turqia dhe Greqia do të përfitojnë reshje jashtëzakonisht të dendura shiu dhe bore.
Gadishulli Iberik dhe Ishujt Britanik do të jenë kryesisht të thata këto ditë si pasojë e anticiklonit të fuqishëm. Edh Gadishulli Ballkanik do të përfshihet nga ajri i ftohtë Siberik por reshjet më të mëdha sipas ecurive aktuale priten në lindje për shkakë të anticiklonit të fuqishëm Evropian. Sidoqoftë Evropa dhe rajoni ditëve të ardhshme do të përfshihen nga procese të bujshme atmosferike si rezultat i dallimit të madh në temperatura dhe presionin e ajrit./Meteoballkan.
