Nesër në Kosovë pritet të mbajë mot më i ngrohtë, me diell dhe shtim të vranësirave. Rrallë në disa rajone mund të ketë ndonjë rigë ose rrebeshe të izoluar dhe afatshkurtër shiu.
Temperaturat do të shënojnë rritje. Minimalja parashihet të zbres deri në 8 gradë Celsius, kurse maksimalja parashihet të arrijë deri në 24 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira të herëpashershme kalimtare. Do të jetë ngrohtë me rrymime ajrore nga jugperëndimi. Rrallë në disa rajone mund të ketë ndonjë rigë ose rrebesh afatshkurtër shiu.
Të hënën do të kemi fuqizim të erërave jugperëndimore. Parashihet mot i ngrohtë, me diell dhe vranësira lokale dhe mundësi për reshje apo rrebeshe të izoluara shiu, më të theksuara në pjesë të Shqipërisë dhe Malit të Zi.
Të martën parashihet të kemi destabilizim të motit, me intervale kohore me diell dhe vranësira e rrebeshe lokale shiu me vetëtima dhe bubullimë. Në mbrëmje ulje e temperaturave dhe depërtim i frontit të ftohtë ajror./MeteoBallkan
