Nën ndikimin e masave stabile ajrore anticiklonike, kjo javë parashihet të ketë mot kryesisht stabil dhe shumë të nxehtë veror. Masat ajrore që vijnë nga Afrika veriore së bashku me anticiklonin afrikan do të kushtëzojnë rritje të fuqishme të temperaturave dhe përqendrim stabil të kushteve atmosferike. Megjithatë do të ndodhin disa stuhi të izoluara në rajone të izoluara.
Vala e fortë tropikale fillon kur temperatura maksimale arrin 30 gradë Celsius dhe vazhdon deri në ditën kur temperatura maksimale ulet nën 30 gradë Celsius.
Ajri i thatë do të jetë dominues në pjesën më të madhe të territoreve tona, megjithatë në disa rajone do të ketë depërtime “të lehta” të ajrit të paqëndrueshëm dhe për këtë arsye parashihen zhvillime të izoluara të rrebesheve lokale të shiut me vetëtima dhe bubullimë ku mund të ketë edhe breshër në ato zona kryesisht kodrinore-malore.
Gati e tërë java do të jetë tropikale dhe temperaturat do të shënojnë rritje çdo ditë e më shumë për të kulmuar afër fundit të javës, sidomos nga e Enjtja deri të shtunën apo dielën kur kemi gjasa për destabilizim të atmosferës dhe freskim sadopak të motit.
Në Kosovë temperaturat do të arrijnë gati sigurtë shifrën 35 apo 36 gradë Celsius, por ekzistojnë gjasa që ato të jenë edhe më të larta deri në 38 gradë Celsius. Në nivel rajonal në Ballkan temperatura maksimale do të arrijë deri në 41 gradë Celsius. 40 mund të arrijë në zonat më të nxehta të Maqedonisë së Veriut dhe Shqipërisë.
Ditët më të nxehta pritet të jenë nga e Enjtja deri të Dielën. Temperaturat kulmojnë sidomos të Premten dhe të Shtunën, ndërsa të dielën ka gjasa për rrebeshe lokale shiu me vetëtima dhe bubullimë. Rrebeshet do të jenë të pranishme gati çdo ditë të javës, por vetëm në disa zona të izoluara kryesisht kodrinore-malore. Në shumicën absolute të viseve tona nuk do të ketë rrebeshe shiu deri në fundjavë, madje edhe atëherë në pikëpyetje.
Pra, kjo javë na premton shumë nxehtësi dhe stabilitet. Instabilitetet do të jenë të rralla dhe të izoluara deri në fundjavë kur mund të kemi zhvillime më të përhapura.
Ishte ky parashikimi i motit për këtë javë të nxehtë. Ndryshime të vogla mund të ketë dhe për çdo ndryshim eventual do të njoftoheni në portimet tona të përdtishme./MeteoBallkan
