Kjo javë ka filluar mjaft e nxehtë, ndërsa një front kalon përmes Shqipërisë duke gjeneruar rrebeshe lokale shiu me vetëtima dhe bubullimë, vende-vende intensive. Në Kosovë reshjet nga ky front do të jenë më të pakta dhe vetëm në disa lokacione, megjithatë priten reshje sidomos të mërkurën.
Rrebeshet e shiut do të fillojnë mëngjesin e së martës në Shqipëri duke vazhduar herë pas here gjatë ditës dhe natës deri të mërkurën. Reshjet do të jenë të karakterit lokal. Më së shumti reshje priten në veri-veriperëndim të Shqipërisë, vende-vende edhe në viset tjera, ndërsa në Maqedoninë Veriore priten pak reshje, paksa më shumë në veriperëndim të vendit.
Në Kosovë priten rrebeshe kalimtare, më intensive në Dukagjin, ndërsa në Mal të Zi rrebeshe intensive priten në jug të vendit. Këto reshje do të jenë prezente të martën, lokalisht edhe të mërkurën, pastaj pasojnë disa ditë kryesisht me diell dhe mjaft të nxehta.
Temperaturat do të shënojnë rritje sidomos të Premten dhe të Shtunën duke arritur deri afër 30 gradë Celsius.
Në Shqipëri temperaturat mund të arrijnë deri në 31 apo 32 gradë Celsius, ndërsa në Kosovë deri në 29 gradë Celsius. Në Maqedoninë Veriore po ashtu deri në 30 apo 31 gradë Celsius.
Fronti i fuqishëm i fundjavës
Një front mjaft i fuqishëm i ftohtë ajror do të arrijë direkt nga veriperëndimi dhe veriu në viset tona të dielën duke kushtëzuar ulje të ndjeshme të temperaturave, shtim dhe dendësim masiv të vranësirave dhe reshje shiu. Vende-vende parashihen rrebeshe lokale shiu me vetëtima dhe bubullimë.
Ky front i ftohtë ajror do të na kthejë përsëri nga vera në vjeshtë, ndërsa në majat më larta të maleve tona do të ketë fjolla bore dhe ndonjë shtresë simbolike.
Pra, e Marta dhe e Mërkura sjellë rrebeshe lokale shiu (shumë më pak në Kosovë). E Enjta, e Premtja dhe e Shtuna një mini-verë, para frontit të fuqishëm vjeshtor të së dieles.
Ishte ky parashikimi javor për motin në viset tona. Ndryshime të vogla mund të ketë dhe për çdo ndryshim eventual do të njoftoheni në postimet tona të përditshme./MeteoBallkan
