Sot në Kosovë pritet të mbajë shumë i nxehtë, me diell dhe shtim gradual e lokal të vranësirave. Paradite dhe në mesditë kryesisht me diell dhe me vapë të fuqishme verore. Pasdite në disa pjesë të Kosovës do të ketë shtim dhe zhvillim të vranësirave dhe priten rrebeshe lokale shiu me vetëtima dhe bubullimë.
Zhvillimet do të jenë të përqendruara në veri, verilindje dhe veriperëndim të Kosovës. Lokalisht edhe në disa vise tjera sidomos në zonat kufitare me Maqedoninë Veriore.
Temperaturat parashihet të luhaten nga 17 deri në 37 gradë Ceslius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe me vapë të fuqishme verore, por në disa rajone orëve të pasdites priten rrebeshe lokale shiu me vetëtima, bubullimë dhe mundësi për breshër.
Të mërkurën ulje të lehta të temperaturave, po vazhdon vapa verore. Rrebeshe afatshkurtra shiu me bubullima priten edhe bregdetin shqiptar në veriperëndim dhe në rajonet përreth.
Rrebeshe të izoluara priten edhe në viset tjera të Shqipërisë, pastaj edhe në Kosovë dhe Maqedoninë Veriore ditën e mërkurë.
Të enjten kryesisht me diell ndërsa vapa fuqizohet prapë afër fundjavës./MeteoBallkan/
