Sot në Kosovë do të mbajë mot jashtëzakonisht i ftohtë në mëngjes, kurse gjatë ditës pritet zbutje graduale e acarit. Gjatë mbrëmjes pritet që vranësirat të shtohen kurse gjatë natës pritet të fillojnë reshjet e borës.
Në Shqipëri sot mot mjaft i ftohtë dhe paradite i thatë, pasdite apo në mbrëmje në veriperëndim, veri dhe verilindje të vendit pritet të fillojnë reshjet e borës apo shiut. Gjatë natës reshjet e shiut dhe borës do të intensifikohen dhe varësisht nga temperaturat dhe rajoni ato do të jenë në formë shiu apo bore. Reshjet e borës do të paraqiten edhe në shumë rajone bregdetare, por nuk mund të përcaktojmë me saktësi matematikore se cilat do të jenë ato rajone. Më shumë shancë kanë bregdeti në veriperëndim dhe jug të vendit. Pasi që takimi i ajrit të lagësht dhe ajrit të ftohtë Siberik mund të na befasojë të gjithëve më së miri po ia lëmë kohës të na tregon se në cilat rajone do të ketë reshje bore. Gjatë ditës së mërkurë në Ultesirën Perëndimore dhe pjesët Bregdetare sipas të gjitha gjasave do të ketë reshje të dendura shiu si dhe stuhi shiu me vetëtima dhe bubullimë sepse do të ketë ngritje të temperaturave.
Edhe në Maqedoni sot mot i thatë dhe jashtëzakonisht i ftohtë. Të Mërkurën priten reshje të dendura bore. Sot reshjet e borës pasdite apo në mbrëmje do të fillojnë edhe në Mal të Zi ku pritet që reshjet borës të përfshijnë tërë Malin e Zi duke mos përjashtuar edhe Ulqinin.
Në Kosovë të mërkurën reshjet e borës do të intensifikohen dhe do të përfshijnë tërë territorin e Republikës së Kosovës ku pritet të kemi nga 10 deri në 20 cm trashësi bore, kurse në viset malore pothuajse gati deri në gjysmë metri.
Të Entjtën në tërë rajonin tonë mot i vranët, i ftohtë, vende-vende me reshje bore të cilat lokalisht mund të jenë të dendura./Meteoballkan
