Në shumë pjesë të Shqipërisë, sonte afër mesnatës do të fillojnë reshjet e borës dhe shiut. Reshjet e borës do të paraqitën edhe në shumë vende bregdetare, por ato do të shndërrohen shpejt në formë shiu si pasojë e ngritjes së temperaturave. Sidoqoftë, sonte do të jetë natë interesante në Shqipëri në aspektin meteorologjik. Reshjet atmosferike do të intensifikohen gjatë natës dhe varësisht nga temperaturat ato do të jenë shiu ose borë. Në viset kontinentale priten reshje të dendura bore.
Reshjet e borës gjatë natës do të fillojnë edhe në shumë pjesë të Republikës së Kosovës. Fillimisht nuk priten reshje të dendura, por në Kosovë reshjet e borës pritet të intensifikohën mëngjesin apo paraditën e së Mërkurës. Nesër në tërë Kosovën priten reshje të dendura bore.
Reshje të dendura bore nesër priten edhe në Maqedoni, kurse në Mal të Zi ato do të fillojnë sonte.
Eshtë ky cikloni ideal për reshje të dendura atmosferike dhe gjithëpërfshirëse, i cili nga Mesdheu Qendror do të zhvendoset direkt në drejtim të brigjeve të Shqipërisë nga ku do të gjenerojë të reshurat atmosferike në tërë rajonin tonë. Ky ciklon pastaj do të rrugëtojë në drejtim të Evropës Lindore.
Pra, sonte dhe nesër në tërë rajonin tonë priten reshje të dendura atmosferike, ku reshjet do të jenë në formë dëbore me përjashtim të Bregdetit Shqiptar dhe Ultësirës Perëndimore dhe rajoneve afër ku për shkak të ngritjes së temperaturave reshjet do të jenë në formë shiu, por edhe në këto rajone reshjet e borës mund të paraqiten herë pas here./Meteoballkan
