Reshje të reja shiu pritet të përfshijnë Republikën e Kosovës sidomos gjatë së Mërkurës nga një front stacionar në Itali dhe Ballkan i shoqëruar edhe me ciklonin i pasur me lagështi apo masën ajrore me presion të ulët atmosferik.
Valë reshjesh shiu që fillimisht vijnë nga jugu i Shqipërisë dhe Maqedonia Veriore do të fillojnë sonte edhe në Kosovë dhe këto vranësira vijnë drejt nga jugu dhe juglindja. Pas ndërprerjes, një valë tjetër reshjesh paksa më intensive shiu vjen të Mërkurën në Republikën e Kosovës. Pasdite po në mbrëmje reshje pushojnë, por jo në të gjitha viset sepse ato do të vazhdojnë në zona lokale.
Pas ndërprerjes së reshjeve të Enjten valë të reja rrebeshesh shiu përfshijnë Shqipërinë dhe Kosovës, kësaj radhe priten rrebeshe intensive shiu me vetëtima dhe bubullimë. Këto vranësira të reja me rrebeshe të fuqishme vijnë nga jugu por pastaj nga jugperëndimi dhe perëndimi.
Edhe në rajon ndikimi i masave të lagshta ajrore është i theksuar sidomos në Bosnjë dhe Hercegovinë dhe Mal të Zi ku priten reshjet më të dendura dhe vërshime lokale.
Reshje të dendura do të ketë edhe në shumë pjesë të Shqipërisë duke mos përjashtuar mundësinë për ndonjë vërshim të shpejtë lokal. Normalisht vërshimet urbane janë të paevitueshme sepse mjafton një rrebesh i fuqishëm për të bllokuar rrugët dhe kanalet.
Sipas ecurive aktuale sinoptike, reshje të herëpashershme dhe rrebeshe lokale do të vazhdojnë edhe nga e Premtja e tutje./MeteoBallkan
