Një meteorit që së fundmi u rrëzua në një shtëpi në shtetin amerikan të Georgias është më i vjetër se vetë planeti Tokë, kanë konfirmuar shkencëtarët.
Shkëmbi hapësinor fluturoi nëpër qiell në mes të ditës më 26 qershor dhe shpërtheu, gjë që u regjistrua nga NASA.
Hulumtuesit nga Universiteti i Georgias analizuan fragmente të shkëmbit që shpoi çatinë e një shtëpie në qytetin McDonough.
Bazuar në analizë, ata përcaktuan se meteori është formuar më shumë se 4.6 miliardë vjet më parë, duke e bërë atë më të vjetër se planeti ynë.
Qindra pamje të topit të zjarrtë, të shoqëruara nga një zhurmë e fortë gjëmimi, u raportuan nga banorë të shumtë të Georgias dhe shteteve fqinje.
“Ky meteor i veçantë që hyri në atmosferë ka një histori të gjatë përpara se të godiste tokën e McDonough”, tha Scott Harris, gjeolog në Universitetin e Georgias.
Pronari i shtëpisë tha se vazhdon të gjejë copa pluhuri hapësinor rreth shtëpisë së tij.
#Breaking
Meteor CRASHES into Earth in BROAD DAYLIGHT!▪️A geologist says a meteorite fragment that smashed through a man’s roof in #Henry_County, #Georgia, is older than #Earth itself.pic.twitter.com/mrcxjIzS60#USA
▪️A massive fireball, seen by thousands across multiple…— ⚡️🌎 World News 🌐⚡️ (@ferozwala) August 9, 2025
