Sot në Kosovë do të mbajë mot kryesisht i vranët dhe me reshje të herëpashershme shiu dhe bore. Reshjet nuk pritet të jenë intensive.
Në Shqipëri dhe Maqedoni po ashtu do të mbajë mot i vranët dhe me reshje shiu dhe bore. Reshje shiu do të ketë nëpër ultësira kurse reshje bore në viset kodrinore-malore. Për dallim nga Kosova në Shqipëri dhe Maqedoni herë pas here pritet që reshjet të jenë më intensive. Në viset malore priten reshje të dendura bore.
Edhe të mërkurën pritet të kemi mot kryesisht të vranët dhe me reshje të herëpashershme shiu dhe bore, varësisht nga lartësia mbidetare dhe pozita gjeografike. Reshjet e dendura të borës do të vazhdojnë në viset kodrinore-malore të Shqipërisë veriore, lindore dhe juglindore si dhe në Maqedoni perëndimore dhe veriperëndimore. Reshje të herëpashershme të dendura bore do të ketë edhe në viset malore të Kosovës. Nëpër ultësirat e Kosovës do të dominojnë reshjet e shiut por nganjëherë në disa rajone nuk përjashtohet mundësia që ato të përzihen me reshje bore. Nga dita e Entje apo e Premte temperaturat do të shënojnë ulje të vogla dhe në këtë mënyrë reshje të dendura bore herë pas here do të kemi edhe nëpër ultësirat e Republikës së Kosovës./Meteoballkan
