Fushat ajrore me presion të ulët atmosferik mbesin mjaft aktive në juglindje të Evropës duke mundësuar depërtimin e vazhdueshëm të masave të ftohta ajrore nga veriu e veriperëndimi, ndërsa edhe reshjet e shiut nuk po mungojnë. Borë ka këtë javë vetëm në malet më larta.
Këto fusha ajrore ciklonike do të mbesin aktive edhe dy ditë, pra të martën dhe të mërkurën duke kushtëzuar reshje të shpeshta lokale shiu sidomos në viset kontinentale e në veçanti në shumë të pjesë të Republikës së Kosovë, pastaj në veri të Malit të Zi dhe pak reshje në disa zona në Maqedoninë Veriore dhe edhe më pak në Shqipëri.
Ditë me diell dhe pak vranësira priten në perëndim të Shqipërisë.
Në mesjavë në Mesdhe do të rritet presioni atmosferik dhe do të fillojë të depërtojë drejt Ballkanit dhe për këtë arsye do të vjen deri te përmirësimi i motit. Fusha ajrore me presion të lartë atmosferik, apo fusha ajrore anticiklonike do të fuqizohen dukshëm të enjten duke larguar vranësirat dhe duke rritur temperaturat.
Moti do të stabilizohet përkohësisht të enjten e sidomos të premten, ndërkohë një front i dobësuar i ftohtë ajror mund të vjen për fundjavë duke sjellur një ndryshim pothuajse të papërfillshëm të motit, megjithatë mund të sjellë disa reshje të dobëta atmosferike në disa rajone dhe erëra kalimtare frontale.
Pra, pas reshje historike të dëborës të cilat i lajmëruam ekskluzivisht me postim të veçantë dhe ekskluziv radhën e kanë reshjet e shiut dhe pastaj edhe përmirësimi i motit, reshje bore vetëm në malet e larta.
Të entjen përmirësim i theksuar i motit, kurse për fundjavë mund të ketë një front të dobësuar të ftohtë ajror.
Temperaturat do të jenë të ulëta deri të enjten, pastaj pritet rritje e tyre deri afër 20 gradë Celsius edhe në Kosovë.
Ishte ky parashikimi i motit për këtë javë dhe ndryshime të vogla mund të ketë. Për çdo ndryshim eventual do të njoftoheni me kohë në postimet tona të përditshme./MeteoBallkan
