Të Dielën në Kosovë pritet të mbajë mot me vranësira dhe intervale kohore me diell. Rrallë në disa zona mund të ketë ndonjë rigë afatshkurtër shiu, ndërsa temperatura maksimale parashihet të arrijë deri në 19 gradë Celsius.
Më shumë vranësira do të ketë paradite dhe shumë më shumë diell do të ketë pasdite.
Në Shqipëri, Maqedoninë Veriore, Mal të Zi dhe Luginë të Preshevës e diela sjellë mot me diell dhe vranësira të pakta lokale. Në disa zona do të ketë më shumë vranësira në mëngjes dhe paradite. Pasdite kthjellim në gati të gjitha viset, por mund të ketë vranësira të shtresave të larta në disa rajone. Në aspektin termik do të jetë relativisht ngrohtë.
Vranësira e intervale kohore me diell do të ketë edhe në fillim të javës së re me luhatje të lehta të temperaturave. Në përgjithësi nuk do të ketë ndryshim të madh të motit, por temperaturat pësojnë ulje të lehta për të pasur rritje të lehta ditën tjetër dhe kështu me radhë. Reshjet atmosferike do të jenë të pakta dhe lokale
Informacione dhe detaje të reja gjatë ditëve të ardhshme./MeteoBallkan
