Fronti i fuqishëm i ftohtë ajror po sjellë reshje e rrebeshe shiu në shumë pjesë të Kosovës, Shqipërisë dhe rajonit.
Para frontit moti ishte me vranësira e diell dhe temperatura mjaft të larta për këtë periudhë kohore. Në disa zona në Shqipëri por edhe në Kosovë u regjistruan edhe disa stuhi lokale me vetëtima dhe bubullimë.
Fronti i ftohtë gjatë natës do të kushtëzojë ulje të ndjeshme të temperatura dhe kjo shënojnë mot të ftohtë vjeshtor e me reshje shiu pas temperaturave pranverore të fundjavës. Megjithatë, reshjet që do të bien gjatë natës dhe mëngjesit do të ndërpriten gjatë paradites dhe dita e Martë sjellë edhe intervale kohore me diell.
Rritja e presionit atmosferik (gjatë të martës) pas frontit nënkupton ardhjen e masës më të re anticiklonike e cila largon reshjet nga rajoni dhe pason stabilizimi i atmosferës, por temperaturat do të ulen dhe e marta pritet të jetë më e ftohtë.
Pas frontit të martës, pra pason stabilizim i atmosferës ardhjen e anticiklonit i cili do të na sigurojë një mesjavë dukshëm më stabile dhe me intervale të gjata kohore me diell, por priten vranësira lokale të cilat nuk do të sjellin reshje atmosferike.
Në anën tjetër me afrimin e fundjavës do të kemi një ciklon të shtresave të larta thellë në juglindje të Evropës ku pritet të ketë shtim të konsiderueshëm të vranësirave dhe ulje të sërishme të temperaturave. Si pasojë do të kemi reshje të reja shiu në pjesë të Kosovës dhe më së shumti në Maqedoninë Veriore, ndërsa në viset e larta malore do të ketë reshje bore. Kjo pritet të ndodhë të Premten.
Fundjava vjen me ciklon të ri nga Mesdheu dhe vranësira e reshje të herëpashershme lokale shiu. Nganjëherë do të ketë edhe intervale kohore me diell, ndërsa temperaturat pas uljes që do të pësojnë të premten për shkak të rrymimeve të forta ajrore nga veriu, gjatë fundjavës ato mund të rriten pak sepse parashihen gjasa për rrymime ajrore nga jugu./MeteoBallkan
