Nesër në Kosovë pritet të mbajë mot i vranët dhe me reshje të herëpashershme, lokale shiu. Në viset e larta malore priten reshje shqote e bore. Vonë në mbrëmje në verilindje të vendit mund të ketë shi të akullt dhe shqotë. Më shumë reshje priten në pjesën perëndimore të vendit e më pak në lindje.
Rrymime të ngrohta ajrore do të ketë gjatë ditës nga jugu dhe për këtë arsye temperaturat maksimale në disa rajone mund të arrijnë deri në 9 apo 10 gradë Celsius.
Në Shqipëri nesër pritet të mbajë mot i vranët dhe me reshje e rrebeshe shiu. Borë vetëm në viset më të larta malore sepse temperaturat nuk do të favorizojnë reshjet e borës në vise tjera.
Reshje lokale nesër priten edhe në perëndim e veriperëndim të Maqedonisë së Veriut dhe Mal të Zi, kurse në Luginë të Preshevës dhe viset tjera të Maqedonisë së Veriut reshjet do të jenë të pakta.
Reshje intensive lokalisht priten në pjesë të Malit të Zi dhe veri të Shqipërisë, por edhe në disa vise tjera të rajonit.
E diela dhe e hëna do të vazhdojnë të jenë nën ndikimin e masave të fuqishme ciklonike me qendër në Mesdhe. Si pasojë reshjet atmosferike do të jenë të shpeshta dhe lokalisht edhe intensive. Rrymimet ajrore dhe temperaturat nuk do të favorizojnë reshjet e borës në viset tona, por vetëm reshje kryesisht shiu./MeteoBallkan
