Reshjet e borës kanë filluar në veri të Kosovës dhe gjatë orëve të ardhshme do të përfshijnë gati të gjitha viset tjera të Republikës ku priten edhe shtresa bore, por mos prisni shtresa të mëdha në të gjitha viset. Ajri i ftohtë pastaj do të përfshijë edhe Shqipërinë dhe Maqedoninë Veriore me reshje shiu e bore.
Nesër në Kosovë pritet të kemi mot tipik dimëror, me vranësira e reshje të herëpashershme bore, më intensive në mëngjes dhe paradite. Reshjet do të ndërpriten gjatë ditës dhe do të pasojë kthjellimi gradual i motit dhe acar në mbrëmje dhe natën tjetër.
Temperaturat nga -5 deri në -1 gradë Celsius për të pësuar ulje të fuqishme orëve të vonshme të mbrëmjes. Ndjesia e të ftohtit do të jetë më e lartë se temperatura reale për shkak të erërave të ftohta veriore.
Reshje bore gjatë natës dhe mëngjesit të nesërm do të përfshijnë edhe shumë pjesë të Shqipërisë dhe Maqedonisë së Veriut. Në zonat mesdhetare në perëndim të Shqipërisë do të ketë kryesisht reshje shiu, por bora do të arrijë edhe në kodrat e jugut të Shqipërisë.
Cikloni i Ri
Mëngjesi i së premtes do të jetë me acar të fortë polar, kurse gjatë dites do të ketë shtim gradual të vranësirave të reja dhe zbutje e acarit. Në mbrëmje reshje të reja të përziera. E Shtuna sjellë reshje po ashtu të reja të përziera të cilat në fund do të shndërrohen në reshje bore me ulje të theksuara të reja të temperaturave dhe shtresa të reja bore. Fillim i javës së re do të karakterizohet me acar mjaft të fuqishëm./MeteoBallkan
