Nesër në Kosovë do të mbajë mot me vranësira kalimtare dhe intervale kohore me diell. Temperaturat do të fillojnë të ngriten si nga vlera minimale poashtu edhe në vlerën maksimale. Në veriperëndim të Kosovës dhe rajonin e Drenicës mund të ketë riga lokale shiu.
Në Shqipëri nesër mot i ndryshueshëm, me rrebeshe lokale shiu në veriperëndim dhe veri si dhe në jug, kurse në pjesët tjera mot kryesisht pa reshje atmosferike. Në veri dhe veriperëndim nganjëherë mund të ketë rrebeshe të fuqishme lokale shiu të shoqëruara me vetëtima dhe bubullimë.
Në Maqedoni nesër mot më i nxehtë me intervale kohore me diell dhe vranësira kalimtare. Reshje të dobëta shiu mund të ketë në perëndim dhe veriperëndim të vendit, kurse në Mal të Zi do të mbajë mot mjaft jostabil dhe me rrebeshe të herëpashershme dhe të fuqishme lokale shiu me vetëtima dhe bubullimë.
Të shtunën dhe të dielën në tërë rajonin tonë mot kryesisht i thatë, me ngritje të ndjeshme të temperaturave dhe me erëra të herëpashershme dhe mesatarisht të fuqishme jugore dhe juglindore. Shkrirja e borës do të jetë e paevitueshme./Meteoballkan
