Sot në Kosovë pritet të mbajë mot relativisht i ngrohtë për këtë periudhë kohore, me vranësira e mundësi për intervale kohore me diell. Reshjet e shiut do të jenë afatshkurtra dhe pak më shumë priten në pjesë të Dukagjinit.
Temperaturat pa ndonjë ndryshim të madh. Minimalja rreth -02 gradë Celsius, kurse maksimalja deri në 10 gradë Celsius.
Në Shqipëri pritet të mbajë mot me më shumë vranësira dhe me reshje shiu sidomos në veri të vendit dhe veriperëndim, lokalisht edhe në disa zona tjera, por nuk priten në gjithë territorin.
Reshje shiu priten edhe në jug të Malit të Zi, kurse reshje bore vetëm në malet më të larta të rajonit. Në Maqedoninë Veriore dhe Luginë kryesisht thatë dhe me vranësira e mundësi për ndonjë interval kohor me diell.
Të dielën na pret mot edhe më i ngrohtë dhe me erëra nga jugu dhe juglindja. Po ashtu parashihen edhe reshje afatshkurtra shiu, por edhe intervale kohore me diell. Reshje e rrebeshe shiu priten gjatë natës ose të hënën në të gjitha viset tona. Pritet një valë e shkurtër reshjesh mesatare deri të dendura, po pastaj nga e marta vazhdon mot me alternime mes vranësirave intervaleve kohore me diell dhe me reshje të pakta lokale./MeteoBallkan
