Sot në Kosovë pritet të kemi mot me vranësira të cilat do të kushtëzojnë reshje lokale shiu e në viset malore do të ketë reshje të herëpashershme bore. Reshjet do të jenë të intensitetit kryesisht të dobët dhe të herëpashershme.
Temperaturat pa ndonjë ndryshim që vlen të theksohet. Minimalja rreth dy gradë Celsius, kurse maksimalja rreth 9 gradë Celsius.
Në Shqipëri e premtja sjellë riga shiu, vende-vende edhe ndonjë rrebesh shiu, kurse në malet e larta reshje të herëpashershme bore. Temperaturat pa ndonjë ndryshim. Mot me vranësira e lokalisht me ndonjë interval kohor me diell nesër pritet në Maqedoninë e Veriut, Luginë të Preshevës dhe Mal të Zi. Parashihen riga lokale shiu e në viset malore pak borë.
Fundjava pak më e ftohtë dhe me reshje të herëpashershme, lokale shiu e bore. Të dielën më ftohtë dhe më vranët me mundësi që të ketë fjolla bore edhe në disa ultësira të Kosovës dhe Maqedonisë së Veriut./MeteoBallkan
