Të mërkurën në Kosovë pritet të kemi mot të ndryshueshëm, me erëra të ftohta nga veriu, vranësira e intervale kohore me diell. Në përgjithësi atmosfera do të ketë tendencë përmirësimi dhe stabilizmi gradual, megjithatë në mëngjes dhe para ende mund të ketë fjolla sporadike bore sidomos në viset kodrinore-malore.
Temperaturat minimale pritet të zbresin deri në -3 gradë Celsius, kurse ato maksimale rreth 7 gradë Celsius në Dukagjin.
Në Shqipëri, Maqedoninë Veriore, Luginë të Preshevës dhe Mal të Zi pritet përmirësim dhe stabilizim gradual i motit, por ende priten erëra dhe reshje sporadike orëve të mëngjesit.
Të enjten në mëngjes acar po jo i fortë. Gjatë ditës do të fuqizohen përsëri erërat jugore e perëndimore dhe priten rritje të temperaturave. Njëkohësisht do të ketë shtim lokale të vranësirave. Gjatë natës lokalisht priten reshje atmosferike. Fillimisht në Mal të Zi priten rrebeshe intensive shiu, pastaj sistemi me rrebeshe shiu dhe vranësira do të përfshijë edhe Shqipërinë dhe Kosovën gjatë mëngjesit të së Premtes.
Të Premten vonë sërish ulje e temperaturave dhe erëra të ftohta veriore ku lokalisht priten reshje bore.
Kjo fundjavë vjen paksa e ftohtë dhe me reshje lokale bore të shtunën paradite. Reshjet do të pushojnë dhe e diela pritet të jetë pak më e ngrohtë./MeteoBallkan
