Sot në Kosovë pritet të mbajë mot pak më i ngrohtë, me diell dhe vranësira. Do të fillojnë të fryjnë erëra kryesisht nga jugperëndimi. Temperaturat maksimale do të shënojnë rritje, por në mëngjes vende-vende do të ketë ngrica.
Minimalja parashihet rreth -2 gradë Celsius, kurse maksimalet pritet të shkojnë deri në 13 apo 14 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi e hëna fillon me diell dhe vranësira lokale. Në disa lokacione në mëngjes pritet të ketë mjegull dhe ngrica. Dita vijon me diell dhe vranësira kryesisht të pakta. Në përgjithësi pritet një ditë me atmosferë stabile.
Të Martën paradite relativisht ngrohtë, kurse pasdite pritet një fronti i ftohtë ajror me vranësira të përfshijë Kosovën dhe disa vise kryesisht kodrinore-malore në Shqipëri dhe Maqedoninë Veriore. Në Kosovë priten reshje kalimtare, ndërsa borë në disa vise kodrinore-malore.
Të mërkurën në mëngjes dhe paradite mund të ketë vranësira dhe reshje të izoluara, kurse pasdite pasojnë kthjellime në tërë rajonin dhe stabilizim i atmosferës./MeteoBallkan
