Fronti i ftohtë ajror solli reshje kalimtare në Kosovë dhe pjesë kontinentale të rajonit, por fronti ishte i dobët prandaj tani pritet stabilizim gradual i motit, megjithatë ende do të ketë reshje të izoluara kryesisht bore dhe atë më shumë në disa zona kodrinore-malore.
Pas shumë ditëve dhe javëve me dimonim ciklonik tani kemi konsolidimin gradual të masave ajrore kryesisht stabile anticiklonike që do të përfshijnë një pjesë të madhe të Mesdheut dhe Evropes. Gjithashtu në Iberi pas muajve me shi të madh kemi konsolidimin e Anticiklonit të Azoreve që më në fund mund të sjellë mot më të qetë në Gadishullin Iberik.
Me anticiklon nënkuptojmë mot më të qetë dhe me më shumë rreze diellore. Reshjet atmosferike gjatë ditëve të ardhshme do të jenë më të rralla dhe madje mund të mungojnë gare me përjashtim të mëngjesit të së mërkurës ku ende mund të ketë ndonjë reshje të izoluar bore në disa vise të Kosovës dhe rajonit.
Nga dita e mërkurë pritet kthjellim i motit dhe rritje graduale e temperaturave, por vazhdojnë rrymimet ajrore nga veriu dhe kjo do të pengojë rritjen e ndjeshme të temperaturave. Të enjten priten më shumë rreze diellore dhe temperaturat do të ngriten pak , por jo shumë.
Nga e premtja dhe për fundjavë na pret mot kryesisht stabil dhe nën ndikimin të plotë anticiklonik, me temperatura minimale nga -1 deri në 15 gradë Celsius.
Gjatë javës temperaturat do të zbresin deri në -3 gradë Celsius, e në disa vise malore edhe më ftohtë. Maksimalet do të luhaten nga 12 deri në 16 gradë Celsius. Në Shqipëri më ngrohtë kuptohet nga klima e ngrohte mesdhetare.
Pra, një javë më e qetë dhe më stabile. Reshje atmosferike nuk pritet të ketë më pas mëngjesit të së mërkurës.
Fronti i ftohtë po largohet dhe po pasojnë masa më stabile dhe më të thata anticiklonike.
Ishte ky parashikimi i motit për këtë javë. Ndryshime nuk priten, por nëse ndodhin do të njoftoheni në postimet tona të përdsitshme./MeteoBallkan
