Përpos gjendjes politike dhe ushtarake edhe atmosfera meteorologjike do të destabilizohet fuqishëm në Lindjen e Mesme sonte dhe nesër.
Një ciklon i fuqishëm i cili nga Egjipti u fuqizua në Mesdheun lindor ka fillaur të krijojë kushte për stuhi të fuqishme fillimisht në territoret palestineze dhe Izraelite, Liban dhe Jordani. Në këto vende pati stuhi të fuqishme rëre.
Tani destabilizimi i fuqishëm i atmosferës me rrebeshe intensive shiu me vetëtima dhe bubullimë do të kalojë në Siri, Irak dhe Iran ku priten rreshjet më të dendura të shiut nga ky sistem i fuqishëm atmosferik.
Rrebeshe lokale priten edhe në veriperëndim të Arabisë Saudite por me kalimin e sistemeve të vranësirave në Irak ato do të fuqizohen duke kushtëzuar rrebeshe të fuqishme shiu me vetëtima dhe bubullimë. Pastaj nga Iraku këto reshje do të kalojnë edhe në territorin e Iranit.
Pas stuhive të fuiqshme atmosfera në Lindjen e Mesme pritet të qetësohet përkohësisht të paktën nga aspekti meteorologjik, por pas disa ditëve do të ketë një tjetër sistem të fuqishëm me stuhi intensive shiu me vetëtima, bubullimë dhe breshër.
Në viset tona kemi një kohë të gjatë mot stabil dhe pa reshje atmosferike për shkak të ndikimit të fuqishëm të masave ajrore të thata anticiklonike. Ndryshim të motit me reshje lokale shiu e bore në viset kodrinore-malore pritet të kemi të Martën./MeteoBallkan
