Nesër në Kosovë pritet të mbajë mot relativisht i ftohtë, me vranësira dhe mundësi për reshje të dobëta lokale kryesisht në disa zona të rajonit të Dukagjinit. Mbrëmja pritet të jetë e vranët dhe kryesisht pa reshje ose me mundësi për riga të dobëta lokale shiu e në viset kodrinore-malore ndonjë fjollë bore.
Temperaturat pritet të luhaten nga 2 minimalja deri në 10 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me vranësira, ndërsa gjatë ditës nga jugu i Shqipërisë do të fillojnë reshje shiu të cilat pastaj do të përhapen në pjesë të Shqipërisë dhe në Maqedoninë Veriore. Në veri të Malit të Zi priten reshje të shpeshta bore ashtu sikurse edhe në Bjeshkët e Rugovës në Kosovë.
Reshjet do të rifillojnë prapë pasditen e së mërkurës për tu intensifikuar të enjten. Në ultësira kryesisht shi e në viset kodrinore-malore parashihen reshje shqote e bore. Ka mundësi që reshje shqote e bore të paraqiten edhe në disa zona të ulëta në Kosovë. Nganjëherë lokalisht priten reshje mesatare deri të dendura atmosferike.
Reshje lokale do të vazhdojnë edhe të Premten, eventualisht edhe të shtunën dhe pastaj pason stabilizimi dhe përmirësimi i kushteve atmosferike./MeteoBallkan
