Sot në Kosovë presim ndryshim gradual të motit. Paradite dhe gjatë ditës pritet të ketë diell, por edhe vranësira me ndonjë reshje të izoluar. Pasdite priten që vranësirat të dendësohen dhe të zhvillohen duke kushtëzuar reshje lokale shiu si dhe mundësi për rrebeshe lokale shiu me vetëtima dhe bubullimë.
Rrebeshet pritet të jenë të karakterit lokal dhe nuk priten në tërë territorin. Temperaturat pritet të lëvizin nga 6 deri në 21 gradë Celsius.
Në Shqipëri pritet të ketë mot me diell dhe vranësira lokale. Pasdite priten zhvillime të vranësirave konvektive që do të kushtëzojnë rrebeshe të izoluara shiu me vetëtima dhe bubullimë. Zhvillime të izoluara nesër priten edhe në Mal të Zi, Maqedoninë Veriore dhe Luginë të Preshevës.
Të martën ndryshim më i theksuar i motit me depërtimin e masave më të ftohta ajrore si pasojë e një fronti të frohtë ajror, parashihen reshje shiu në gati tërë Republikën e Kosovë dhe në shumë pjesë të rajonit. Në Shqipëri priten rrebeshe lokale shiu me vetëtima dhe bubullimë, vende-vende intensive, madje edhe në pjesë të Maqedonisë së Veriut. Temperaturat do të pësojnë ulje të ndjeshme sidomos në Kosovë dhe veri e lindje të Shqipërisë, pastaj edhe në Maqedoninë Veriore. Në viset e larta malore do të kthehen reshjet e borës.
Të mërkurën pritet të mbajë mot me vranësira të shumta dhe i ftohtë si dhe me reshje lokale. Mëngjesi i së enjtes mund të kushtëzojë ngrica të dobëta sipërfaqësore në disa pjesë të Kosovës. Dita e enjte sjellë stabilizim gradual të motit./MeteoBallkan
