Nesër në Kosovë pritet të mbajë mot kryesisht me diell dhe mjaft i ngrohtë pranveror. Mëngjesi do të jetë paksa i ftohtë, ndërsa dita stabile, me diell dhe mjaft e ngrohtë. Pasdite parashihen vranësira kalimtare të shtresave të larta. Rrymimet ajrore do të jenë të fuqishme të ngrohta nga jugperëndimi.
Temperaturat pritet të lëvizin nga 4 minimalja deri në 25 apo 26 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe shtim lokal të vranësirave të shtresave të larta. Do të jetë ngrohtë në tërë rajonin me temperatura pranverore e në disa rajone edhe verore.
Mot i ngrohtë pranveror na pret edhe ditëve të ardhshme me diell dhe kalime vranësirash kryesisht të shtresave të larta atmosferike. Reshje nuk priten afërsisht deri ditën e enjte kur mund të ketë riga ose rrebeshe lokale shiu në sasi kryesisht të pakta sipas ecurive aktuale. Temperaturat pa ndonjë ndryshim të madh./MeteoBallkan
