Sot në Kosovë pritet të mbajë mot me intervale të gjata kohore me diell dhe vranësira lokale. Temperaturat do të shënojnë rritje të lehta, ndërsa vazhdojnë erërat e freskëta nga veriu. Gjatë ditës dhe pasdite priten disa zhvillime lokale të vranësira dhe rrallë në ndonjë rajon mund të ketë ndonjë rigë ose rrebesh afatshkurtër shiu.
Në Shqipëri, Maqedoninë e Veriut, Luginë të Preshevës dhe Mal të Zi pritet të mbajë mot me diell dhe vranësira të pakta lokale. Pasdite priten zhvillime të vranësirave sidomos në jug të Shqipërisë dhe disa vise në pjesët qendrore e lindore të vendit me gjata për rrebeshe të izoluara shiu me vetëtima dhe bubullimë.
Të premten dhe të shtunën na pret mot me më shumë vranësira, por edhe me intervale kohore me diell. Vende-vende priten reshje lokale shiu e nuk do të mungojnë edhe zhvillimet konvektive të cilat do të kushtëzojnë rrebeshe lokale shiu me vetëtima dhe bubullimë. Rrebeshet pritet të jenë të karakterit lokal.
Temperaturat do të shënojnë rritje të lehta në kohën e intervaleve kohore me diell për të pësuar ulje të shpeshta në kohën e vranësirave dhe rrebeshit eventual.
Edhe të dielen pasdite parashihen zhvillime të rrebesheve lokale të shiut me vetëtima dhe bubullimë./MeteoBallkan
