Nesër në Kosovë pritet të mbajë mjaft i nxehtë, me diell dhe vranësira lokale. Pasdite priten zhvillime të vranësirave të cilat në zona të izoluara mund të kushtëzojnë ndonjë rrebesh shiu me vetëtima dhe bubullimë.
Temperaturat pritet të luhaten nga 12 minimalja deri në 31 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira lokale. Do të jetë mjaft nxehtë në të gjitha viset, ndërsa pasdite priten disa zhvillime konvektive, por të cilat do të kushtëzojnë rrebeshe shiu vetëm në disa zona të izoluara kryesisht në viset kodrinore-malore. Në jug të Shqipërisë rrebeshet mund të jenë pak më të përhapura.
Të enjten destabilizim i fortë i atmosferës dhe ulje e temperaturave. Parashihen zhvillime të fuqishme konvektive dhe vende-vende rrebeshe shiu me vetëtima, bubullimë dhe mundësi për breshër, por prapëseprapë nuk priten rrebeshe në të gjitha viset. Në disa rajone mund të zhvillohen shtrëngata të fuqishme të izoluara dhe kalimtare me rrebeshe intensive dhe erëra të fuqishme kalimtare.
Nga e Premtja pak më freskët por stabilizim i plotë i motit deri të dielën pasdite kur priten zhvillime të rrebesheve të izoluara./MeteoBallkan
