Nesër në Kosovë pritet të mbajë mot i paqëndrueshëm, me intervale kohore me diell dhe zhvillime të vranësirave konvektive të cilat pritet të kushtëzojnë rrebeshe lokale shiu me vetëtima, bubullimë dhe mundësi për breshër.
Vende-vende priten furtuna të fuqishme kalimtare të cilat nuk do të duhet të zgjasin shumë.
Temperaturat do të pësojnë ulje të lehta dhe maskimalja pritet të arrijë deri në 30 gradë Celsius, në zonat me stuhi ulje më e theksuar e tyre.
Në Shqipëri, Maqedoninë Veriore, Luginë të Preshevës dhe Mal të Zi e mërkura pritet të kushtëzojë mot me intervale kohore me diell dhe zhvillime të fuqishme konvektive. Vende-vende priten shtrëngata me erëra të fuqishme dhe breshër dhe në shumë zona priten rrebeshe lokale shiu me vetëtima dhe bubullimë. Temperaturat do të pësojnë ulje të lehta, por mbetet zagushi për shkak të dendësisë së ajrit. Në kohën e rrebesheve dhe stuhive eventuale normalisht temperaturat do të pësojnë ulje.
E enjta do të jetë pak më stabile në Kosovë, megjithatë në disa zona priten rrebeshe të izouara shiu me vetëtima dhe bubullimë. Më shumë stuhi priten në juglindje-lindje të Shqipërisë dhe zonat afër si dhe në shumë vise të Maqedonisë së Veriut.
E Premtja dhe fundjava me rritje të temperaturave. Jo-stabilietet atmosferike do të jenë më të rralla dhe më të pakta, por gjithnjë mund të llogaritet në ndonjë rrebesh të izoluar shiu me vetëtima dhe bubullimë në disa zona./MeteoBallkan
