Sot në Kosovë pritet të mbajë mot i nxehtë, por mjaft jo-stabil.
Priten periudha me diell sidomos në mëngjes dhe paradite, ndërsa nga mesdita ose pasdite do të fillojnë zhvillimet e vranësirave konvektive të cilat pritet të kushtëzojnë rrebeshe lokale shiu me vetëtima, bubullimë dhe mundësi për breshër.
Vende-vende mund të ketë shtrëngata të fuqishme të cilat mund të shkaktojnë erëra të fuqishme, breshër dhe vetëtima e bubullima të ashpra.
Temperaturat ende pritet të jenë të larta dhe maskimalja parashihet rreth 34 gradë Celsius, por në vendet e zhvillimeve të vranësirave ato do të pësojnë ulje.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell ndërsa nga mesdita ose pasdite parashihen zhvillime të fuqishme konvektive. Vranësirat do të zhvillohen duke kushëzuar rrebeshe lokale shiu me vetëtima, bubullimë dhe breshër. Në disa zona priten shtrëngata më të organizuara që mund të shkaktojnë mot më të ashpër që lidhen me stuhitë verore.
Edhe dita e mërkurë parashihet të jetë me periudha me diell dhe zhvillime të fuqishme të vranësirave të cilat do të kushtëzojnë rrebeshe lokale shiu me vetëtima, bubullimë dhe mundësi për breshër në lokacione të caktuara ku konveksioni atmosferik zhvillohet më shumë. Temperaturat do të shënojnë ulje, më të theksuara në zonat me reshje dhe stuhi.
Të enjten pritet mot mjaft jo-stabil dhe do të kemi frontin e ftohtë me rrebeshe lokale shiu me vetëtima dhe bubullimë si dhe me mundësi për breshër. Temperaturat do të shënojnë ulje më të theksuara. Të premtën vranët e me reshje shiu./MeteoBallkan
