Nesër në Kosovë pritet destabilizim i fuqishëm i motit.
Parashihet të ketë shtim të vranësirave dhe zhvillime të fuqishme konvektive të cilat do të kushtëzojnë reshje shiu dhe rrebeshe lokale shiu me vetëtima, bubullimë dhe mundësi për breshër.
Vende-vende mund të ketë rrebeshe mjaft intensive, erëra mjaft të fuqishme kalimtare dhe shkarkesa të fuqishme atmosferike. Në disa lokacione priten vërshime të shpejta nga reshjet intensive.
Temperaturat do të shënojnë ulje dhe ajo maksimale priter të arrijë deri në 30°C.
Në Shqipëri, Maqedoninë Veriore, Luginë të Preshevës dhe Mal të Zi nesë pritet të mbajë mot me diell dhe vranësira të cilat vende-vende do të zhvillohen fuqishëm duke kushtëzuar rrebeshe lokale shiu me vetëtima dhe bubullimë. Shumë nxehtë në perëndim të Shqipërisë, por freskim i motit në ato rajonet me zhvillime dhe grumbullime të vranësirave.
Nga e hëna na pret mot më stabil, por paksa më freskët me mundësi për reshje të pakta dhe të izoluara, por temperaturat do të fillojnë të rriten, edhe pse në mesjavë mund të kemi edhe një valë tjetër destabilizimi të atmosferës me rrebeshe lokale shiu me vetëtima dhe bubullimë.
Këto zhvillime që priten nesër nuk parashihet të shtrihen në tërë bregdetin edhe pse mund të ndodhë ndonjë stuhi e izoluar dhe kalimtare edhe në viset bregdetare. Rrebeshet më intensive nga ky sistem ajror priten në pjesë të Republikës së Kosovës./MeteoBallkan
