Kombi ishull i Hawaiut u përfshi nga një stuhi e paparë, e cila çoi në erëra të fuqishmederi në 300 km / h, degë të thyera të pemëve, rrugë të përmbytura, ndërprerje në furnizimin me energji dhe të paktën një vdekje. Në disa pjesë ka rënë edhe borë, e cila është shumë e pazakontë, ndërsa stuhia ka shkaktuar valë të mëdha deri në 12 metra.
Sistemi i presionit të ulët goditi ishullin të premten, me erëra të forta që u kombinuan me dete tashmë të trazuara dhe krijuan valë masive që përmbytën zonën. Lartësia e valëve arriti deri në 12.19 metra në zona të caktuara të bregut të Havait, të cilat fatkeqësisht ishin fatale për një surfer kalifornian. 66-vjeçari humbi jetën gjatë surfingut.
Gjatë fundjavës, më shumë se 27.000 njerëz mbetën pa energji elektrike.
-Meteorologët e quajnë këtë një ngjarje të pashembullt dhe jemi dakord që ne rrallë kemi parë një kombinim të niveleve të larta të valëve në tokë, së bashku me erërat e stuhishme – tha Sam Lemo, administratori i Departamentit të Tokave dhe Resurseve Natyrore Hawaii.
Disa centimetra borë ranë në Haleakal, në lindje të Mauit, gjë që la pa fjalë vendasit.
Dëbora nuk është e pazakontë në pjesët malore të arkipelagut të ishullit, por zyrtarët thonë se një shtresë dëbore në një lartësi prej 1900 metrash në një park shtetëror në Maui mund të përfaqësojë pikën më të ulët në të cilën bora ka rënë ndonjëherë në Hawaii.
– Ndoshta për herë të parë në histori, borë ra në një park shtetëror. Parku është i mbuluar me borë dhe kjo mund të jetë lartësia më e ulët në të cilën bora është regjistruar ndonjëherë në vend – njoftoi departamenti.
