Një ngjarje e rëndë është regjistruar dje në zonën e Kunes, në Shëngjin, ku një 18-vjeçar nga Kosova është gjetur pa shenja jete në ujë.
Sipas të dhënave paraprake, i riu është nxjerrë nga uji i pajetë, me policinë që konfirmon se është mbytur në det.
“Rreth orës 13:00, në plazhin e Shëngjinit, shtetasi kosovar Sh. S., 19 vjeç, dyshohet se është mbytur duke u larë në det”, bëri të ditur policia
Trupi i pajetë është transportuar në morgun e Lezhës, ku pritet t’i nënshtrohet ekspertizës mjeko-ligjore që do të ndihmojnë në përcaktimin e shkakut të saktë të vdekjes.
Ndërkohë, policia ka nisur hetimet për dokumentimin e plotë të ngjarjes dhe zbardhjen e rrethanave në të cilat humbi jetën i riu nga Kosova.
